日本露營車自駕遊－日本終於通關喇～你去旅行仲停留喺shopping階段？依家興深度遊，即將帶你開箱日本旅行全新玩法！揸露營車話行就行，不受任何時間、日本露營車地點限制，仲要唔洗拖住行李周圍走，開著google map 搵旅遊景點，頻頻撲撲去旅行都真係幾攰～立即跟住店長嚟番轉深度之旅！

機場取車、市區還車｜非常便利

大家依家見到呢架純白色露營車係咪好正呢？去到日本想體驗露營車，其實都好方便！東京機場拎車，市區還車方便大家唔洗拖住行李周圍走，想知更多日本露營車推薦自駕遊詳情？即刻睇落去喇！

家庭出遊首選露營車款 Robinson771

豐田HIACE加長車型GL豪華露營車，屬於大型車款，絕對喺家庭出遊熱門首選，最多可以容納五人，3大2小、2大2小或者5位大人就最為舒適。

大家可以見到車內空間寬敞舒適，餐台可以摺埋變成單人床，司機位置對上車內設有雙層床舖，拉出即可容納兩位成人；車廂後邊位置仲有上下臥鋪單人床。

露營車設備齊全

麻雀雖小，五臟具全！車上配備暖氣、插座、洗手盆、雪櫃、儲物空間、折疊式桌子等等，煮食方面可借用便攜式卡式爐同煤氣罐，不過大家切勿喺車內煮太濃味嘅食物，請勿直接倒進湯汁、油或殘渣等，建議公仔麵或炒蛋等簡易食物，煮食時記住要開車窗、抽油煙機。

雪櫃就不建議儲存魚類、榴槤等。

車內仲有兩個大型儲水箱，可以在營區或公園地方裝水。

另外，提提大家就係上車前記住除鞋，入口處配備鞋櫃，車上更配備USB插頭同埋8個插頭位置，仲有暖氣及全車電掣開關，切勿使用大功率電器（例如風筒、電池煮食爐等）。

車尾位置亦設有大型空間可擺放行李，方便隨時可以拎取物品。

大家注意喇～露營車內不設浴室、淋浴間，如有需要可到就近露營場地解決，
露營場地設施充足，設有免費汽車充電、泊車。

呢度嘅溫泉係有分開男女湯，大人入場費只需800日圓、小童就450日圓，仲有其他放鬆設施，包括頭、腳、身體按摩都有，大家可以按自己需要揀番喇～

場地有冷熱飲品販賣機、按摩椅、紀念品售賣等等。

大家如果懶得起露營車上煮食，就可以喺餐廳食埋飯、浸完溫泉再番上車好好休息。

睇晒咁多露營車嘅資訊，係咪即刻想假期飛過去玩呢？買飛去旅行梗係揀「Youngs Holidays」租借平台嘅套票【東京親子旅遊超正新體驗】48小時成田租車東京還車Fly & Drive露營車套票(CRB771)。

絕對係家庭出遊首選，套票內包括國泰航空來回香港至東京成田經濟客位機票連一件23KG行李 、48小時5人豪華露營車體驗、日本500MB 4G數據卡，仲有露營車保險。